MASHABIKI WA SIMBA WAFANYA USAFI

 

Na Shomari Binda.

Mashabiki wa Simba tawi la Machinjioni wamejitokeza kwa wingi kufanya  usafi  kwenye eneo lao ikiwa  ni kilele cha wiki ya simba.

Katibu wa tawi hilo,Bwire Misiro ,amesema katika kuadhimisha siku hiyo wameamua kufanya shughuli ya kijamii kwa kufanya usafi.

Amesema mazingira safi yanaepusha magonjwa hivyo jamii inapaswa kuzingatia usafi kwa afya bora.

Bwire amesema usafi ni suala endelevu na kutoa wito kwa wanasimba kwa kila tawi na mashabiki wote kushiriki kikamilifu katika kudumisha usafi.

Nae msemaji wa simba tawi la machinjioni Masatu Kawawa,amewashukuru mashabiki wa simba kwa kujitokeza kwa wingi kukamilisha zoezi na kusema wataendelea kuhamasisha jamii kushiriki vyema kutunza mazingira kwa kufanya usafi.