MBUNGE ACHANGIA ONGEZEKO LA UFAULU MASHULENI TUNAKUSHURU UMEKUWA MFANO KWETU KIUTENDAJI.

 Na Neema Kobiro

Viongozi Wa Elimu Wilayani Butiama watoa shukrani za dhati kwa Mbunge wa Jimbo la Butiama  Jumanne Sagini kwa namna anavyojituma na kufanikiwa kuongeza kiwango cha ufaulu mashuleni kwa kutenga muda wake na kutoa semina elekezi kwa walimu na kuwasisitiza kufanya kazi yao kiueledi ili kuongeza kiwango cha  ufaulu na kutokomeza ziro kwa shule zote za sekondari wilayani humo.

Akizungumza katika kikao cha kufanya Tathimini ya maendeleo ya elimu sekondari Afisa elimu sekondari Wiliyani Butiama Bw Chacha Megawa amempongeza mbunge kwa kuwa na mahusiano mazuri na walimu na kuanzisha utaratibu wa vikao baina yake na walimu hali inayopelekea kuongezeka kwa kiwango cha ufaulu mashuleni na kwa juhudi zake kuboresha miundombinu ya Elimu na kusaidia upatikanaji wa waalimu mashuleni jambo ambalo linazidi kuwapa nguvu wao kama viongozi na kusema hawatamuangusha watahakikisha Wilaya ya Butiama inashika nafasi nzuri kiufaulu kwa ngazi ya Mkoa na hata Taifa.

Pia  pamoja hayo alisema wao kama vingozi wanayo mikakati Madhubuti waliyoiweka kwa kushirikiana na walimu  ilikuzidi kuongeza kiwango cha ufaulu 1,Kutoa mazoezi ya ziada kila ijumaa ili kuwapatia fursa wanafunzi siku za wiki kujisomea na kufanya mazoezi 2,kuendelea kutoa motisha kwa shule zinazofanya vizuri pamoja na Walimu watakaokuwa wametoa ufaulu mzuri kwa somo husika analofundisha na mbinu nyinginezo nyingi walizoziwekea kuhakikisha wanatokomeza ziro.

Aidha aliendea kwa kuzitaja shule zilizoongoza kwa kufanya vizuri kuwa ni; Chief Ihunyo,Busegwe sekondari,Buruma sekondari,Musoma utalii,Kukirango sekondari na Bumangi sekondari na kuwasisistiza waalimu wa shule hizo  waendelee kuongeza juhudi ili wasishuke kiufaulu,pia alizitaja shule ambazo zimeongoza kwa kufanya vibaya kuwa ni Bumaswa sekondari,Mirwa sekondari na Buhemba sekondari na kuwaagiza wakuu wa shule hizo kuongeza juhudi na kusema kuwa wao kama viongozi hivi sasa wataelekeza nguvu katika shule hizo na kuhakikisha wanatoa matokeo mazuri kwa awamu zijazo.

Nao Waalimu walikuwa na malalamiko machache kwa baadhi ya viongozi wa Halimashauri na Wilaya kwa kutowajali na kuwathamini pindi wanapoenda kuwaona katika ofisi zao hawapati ushirikiano wa kutosha na hata kufedheheshwa na kupata majibu yasiyo  na tija hali inayowapelekea kupoteza kujiamini kiutendaji.

Pamoja na hayo Mhe Sagini aliwashukuru kwa pongezi zao na kuwahakikishia kuwa ataendelea kushirikiana nao hatua kwa hatua na hatafurahi kuona mtu yeyote anajitokeza kutaka kukwamisha juhudi zao na kusema kuwa atazidi kuongeza juhudi yeye kama Mbunge kuzidi kutafuta pesa Serikalini ili kuzidi kuboresha miundombinu yote ya Elimu Wilayani humu ikiwemo na kuwasisitiza wananchi kuendelea kujitolea  kuanzisha ujenzi wa vyumba vya madarasa  ili kupunguza msongamano  kwa Watoto Darasani na kwa shule zote zilizo na hosteli pia atahakikisha wanafunzi wanafurahia kuishi mashuleni mwao.

Na alihitimisha kwa kuwakumbusha wakuu wote wa ngazi ya Elimu kuwathamini Walimu, na pindi inapotokea Mwalimu anapatwa na changamoto yoyote ni vyema wapewe kipaumbele kutuliwa matatizo yao ili kuwapunguzia misongo ya mawazo inayoweza kupelekea kupunguza ubora wa ufundishaji