"NINAYO IMANI MAGWEIGA MNANKA SAMO ANGEITUMIA FURSA HII" MUNGU AMPE PUMZIKO JEMA.

Kauli hiyo imetolewa na Mbunge wa Jimbo la Butiama, ambaye pia ni Naibu Waziri Wa Mambo Ya Ndani ya Nchi Mh Jumanne Sagini, alipofika Msibani kwa mfanyabiashara mahiri na mpenda maendeleo  bwn Magweiga Mnanka Samo, na kusema kufuatia uwepo wa Chuo Kikuu cha Mwalimu Nyerere na Chuo cha ufundi stadi VETA .

Butiama sasa inahitajika kupata wawekezaji kwa ajili ya kufanikisha makazi ya wanafunzi watakaochaguliwa kujiunga na vyuo hivyo, licha ya Serikali kujenga  Hostel itakayochukua wanafunzi mia nane (800) kadhaa ndani ya Chuo Kikuu cha Mwalimu Nyerere bado kunakuwa na upungufu mkubwa wa makazi ya wanachuo kwani chuo kitakachochukua wanafunzi zaidi ya Elfu Nne( 4000)kwa uwiano huo tunaona bado kunauhitaji mkubwa wa Nyumba, hivyo ni vyema wana Butiama kutumia frusa hiyo kujenga nyumba kwa ajili ya biashara na kuanza kuweka mikakati thabiti ya kuanzisha Biashara mbalimbali ili kukidhi mahitaji kwa wanavyuo na ikiwa ni sehemu ya ongezeko la ajira kwa wana Butiama.

 

“Nina imani bwana Magweiga angekuwepo lazima angeitumia fursa hii kwani alikuwa mpenda maendeleo”amesema Sagini.

 Sagini alifika msibani hapo akiwa ameongozana na viongozi wote wa Chama cha Mapinduzi Wilaya ya Butiama.

Aidha Sagini alitoa pole nyingi kwa familia na kuwasihi kuwa wavumilivu na kufuata taratibu zote  mirathi ili kuepuka migongano na mivurugano kwa familia hiyo, hii itasaidia familia kuendelea kuwa imara na kyaendeleza yote aliyokuwa akiyafanya na kuyasimamia Baba au Kaka wa familia ambae marehemu Magweiga Mnanka Samo.

Nae Mh Vedastus Mathayo Manyinyi Mbunge wa Musoma mjini alifika msibani,na kusema  “Namfahamu Magweiga Mnanka Samo kama mfanyabiashara mwenzangu lakini pi  ni mwanafunzi mwenzangu tumesoma wote nakumbuka alikuwa mahiri na mpambanaji  alikuwa siomtu wa kuamini kushindwa muda wote aliamini katika kushinda”.

                               

Aidha Bi  Christina Ndengo Nyahurya ambae ni Mwenyekiti wa chama cha Sauti ya UmmaSAU,Akizunguma kama muwakilishi wa vyama vingine vya kisiasa aliiwasihi Wazazi na Walezi kuwalea watoto katika maadili ya kumpendeza mungu ili baadae wapatikani akina Magweiga wengine kwa ajili ya masilahi mapana  ya Taifa letu na jamii zetu na kuwaomba wanafamilia kuhakikisha wanasimamia na kukamilisha ujenzi wa  Shule na Kanisa aliokuwa ameanzisha bwana Magweiga kijijini kwao Kongoto.